Lalduhoma voice leak in sawi a hlawh. ‘MNF a campaign pui!’

ZORAM TODAY: Aizawl, November 7th; 2018 : Tunhnai khan ZPM Chief Ministerial Candidate Lalduhoma leh BJP hruaitu pakhat telephone-a in biakna âw chu record niin social media ah a pút darh chiam mai a, sawi zui a hlawh thar hle. Hetah hian Lalduhoma hian MNF leh BJP inkar te, BJP leh ZNP/ZPM chungchang a ngaihdan chiang takin a sawi a. Mizoram awm chhung chu engtikahmah MNF te chu an BJP dawn lo ani, tiin BJP erawh tun MLA Inthlan 2018 lo awm turah thawhdun pui a chak thu uar takin a sawi ani. He voice record tu hi hriat ani tawh bawk.

ZPM chhungkua-ah he ‘ voice leak’ avang hian inhnialna nasa tak alo awm tawh nia hriat ani. ZNP President Lalduhoma chuan hruaitu dangte hriat lemlohin BJP hruaitu pakhat nen hian telephone hmanga sawi chi nilo thil pawimawh tak tak an sawi tih voice leak ah hian a lang chiang hle. (A hnuaiah hian ngaihthlak tur chhawpchhuah ani.)

Lalduhoma chuan Mizoramah MNF a chak poh leh BJP party ṭhanzelna tur chu a ping tial tial dawn ani, tiin ” MNF chu freedom fighter an inti a, BJP ah an lut dawn lo hrim hrim a, Mizoram awm chhung chu MNF a ral theilo” tiin a sawi.

A sawi zelna ah Lalduhoma chuan, ” Anni (BJP) nena thawhona ṭha tak neih hi kan duh alawm,” tiin BJP nena thawhho a pawi tihloh thu uar takin he voice leak ah hian a sawi.

4 thoughts on “Lalduhoma voice leak in sawi a hlawh. ‘MNF a campaign pui!’”

Comments are closed.