Zirlai hlawhtlingte thlalâk zingah ui tihlan a ni

ZORAM TODAY | November 3-16, 2015 – Hriatpuia Khiangte
University pakhata hlawhtlinna chang zirlaite thlalâk mawi taka intlar karah ui a lang ve nawlh a, tihpalh thil thua lang erawh a ni lo.

Spain-a University of Cddiz thuneitute’n beng sika an ngaihtuah hnuah, Labrador dog an tih mai chu graduate rual thlalak zinga telh an remti a; a chhan hriate erawhin mak an ti lem lo.

‘Idena’ tia koh he ui rinawm tak hian Social Work subject exam hmachhawn tur a pu, mit khinghnih del a hruai thin a, exam tan atanga a tawp thlengin a pu bulah a thu tlingtla ve mai zel a; a pu (Diaz Benitez Arturo) tana a tangkaina hi zirlai dangte chuan hmuh hmaih lovin amah zahderna (homage) lantir tha an ti ta a ni.

Zirlai hlawhtlingte ruala a thlalak a chuan tel bakah thlalak dangah pawh Idena hi a lang nual a; hetih lai hian Spain ramah hetiang hi a vawi khat thlenna erawh a ni lo va, University of Santiago-ah pawh graduation photograph-ah ui pakhat thlalak a lo lang tawh a ni.