Hming tarlan loh kum 45 mi damlo pakhat chu hmanhmawh takin Mumbai khawpuia Sion hospital panpui a ni a, damdawi ina duty Dr. Rohan Rohekar chuan nikhawhrelova let reng he damlo hi a mar a deh hnuah a thi niin a puang ta a ni.
Damdawi in tihdan phung pangngaiah chuan, mitthi an awm apiangin casualty ward-ah darkar 2 vel dah phawt thin a ni. Mahse, hemi tum hian Sion hospital-a thawk lai Dr. Rohan Rohekar chuan ruang dahna pindanah mitthi ruang nia ngaih hi a dahtir a, hemi hnua post-mortem theih mai tura mortuary-a dah a nih laiin mitthi nia ngaih tawh hi hi kaihthawh lohvin amahin a tho a ni.
Thil thleng an hriat veleh Sion police-te chuan damdawi in lam an pan nghal a, chiang taka finfiah a nih hmaa damlo thihtir ringawttu doctor chu a thiam lo niin an sawi.
Damdawi ina an hotu Dr. Suleman Merchant pawhin hmanhmawh taka Dr. Rohan-a’n damlo thih thu a puang mai leh, darkar 2 tal nghak hman lova post-mortem tura a buatsaih nghal mai chu a tidik zân lo niin a sawi bawk.
