Bus conductor-in inelna lian thamah medal pathum a hlawh chhuak

ZORAM TODAY | October 20-2 November, 2015 Hriatpuia Khiangte
Hei hi chu thil mak ni satliah lovin, thil ropui a ni.

Australian Master Games-a inelna péng hrang hrang – discuss throw, hammer throw leh shot put-a gold medal hlawh chhuaktu  Abasaheb Gaikwad chu Maharastra huam chhung Sangli-a thingtlang khaw pakhat Shetjale-a piang leh seilian a ni a, bus-a chuangte hnenah pawisa khawnin nileng hun a hmang thin.

Adelaide-a nghah Australian Master Games-a medal hlu tak tak hlawh chhuaktu Abasaheb Gaikwad hian a record lo siam tawh a khûm chiang hle a; a telna kum 30-35 inkárte inelnaah gold medal pathum a awrh phà a, khawvel ram hrang hrang 7 áiawha telte hmaah India a vawrh sáng dâwrh a ni.

Abasaheb hi Maharastra State Regional Transport Corporation (MSRTC)-ah bus conductor ni lai a ni a; inelnaa kal leh haw lam sênso a tam em avangin a thawhpuite, a chhung leh khatte bakah amah duhsaktute’n pawisa an tuaksak ringawt a ni.

Australian Master Games hi kum khat dana neih, infiamna péng hrang hrang hmanga inelna lian tham tak a ni a, he inelnaah hian a duh apiangte tan tel theih erawh a ni lo a, kum 30 tlin a ngai.

A tum 15-na atana kumina Australian Masters Games neih zawk tâk chu October 3-10 khan neih a ni.