Chi phurh vangin police-in pawisawilo man sual!

ZORAM TODAY | October 6-19 October, 2015Hriatpuia Khiangte
Dan bawchhe lem lo mah se, Maryborough-a pa pakhat chu Australia police officer-te vangin thla li ngawt tàn-inah a riah phah!
Australia-a khawpui ber dawttu Queensland-a khaw pakhat Maryborough-a khawsa he pa hi a vanduai hle a; a chi (salt) phurh chu amah daptu police officer rualin sumdàwn nana hman phal loh damdawi emaw an ti tlat a, tàn in lamah nawr liam a ni.

Lirtheia a tlan lai tidingin police-te chuan he pa vànduai angreng tak hi an lo dap a, a lirthei chhung an en kualna lamah kil khata chi (salt) lo inrem thát chu an hmu a, thil pawi a thleng ta. Police-te chuan a chi phurh chu an hual tuau mai a, Meth emaw an tih tlat avangin a phurtu chu an hréng zui ta a ni. Insawifiah tuma tan khawhin awmzia a neih loh hnuah bail a dîlna pawh hnâwlsak a ni lehzel a, thla li chhung teh meuh a riahna a sawn a ni.

Jail-a a input luh atanga thla 4 a liam hnuah laboratory test hmangin a thil phurh chu chi dik tak (epsom salt) a ni tih nemngheh a ni a, tihsual nei lo Australian pa hnungkhirhna kawl chu hlih a ni ta. He thubuai ngaihtuahtu Judge a lungáwi thei lo va, tân ina pawisawi lo khungtu police-te chu na takin a dem thu a sawi hial a ni.