ZORAM TODAY | September 15-5 October, 2015 -Hriatpuia Khiangte
Hmun fianrial taka a kal laia beih a tawh hnuah, hmeichhe pakhat chuan pawngsual a tâwk ngei dawn niin a lang. Mahse, a thluak a hmang a, a pumpelh hlauh mai.
New York police-te sawi danin, August thla chawhnu lam khan Brooklyn-a McCarren park-ah he hmeichhia hi amahin a kal a, Leonard leh Bayard kawtthler a pan laiin mihâng pakhatin a bei thut.
Hneh taka a pawmbeh hnuah he pa hian a ‘private part’ a khawihsak ta a, a chunga thil thleng tur chu kum 24-a upa nula chuan a hrethiam ta a ni.
Chu pa hnenah chuan a pawngsual lo a nih phawt chuan pawisa a pêk tur thu a hrilh a, chu pa chuan a lo remti hlauh. Chulaia ATM hnai berah chuan kalin $20 (India pawisain Rs. 1275) a la chhuak a, chupa kutah chuan a hlân ta a ni.
Hmeichhia hian hliam na vak lo a tuar a, enkawl ngai khawp pawh a ni lo niin tarlan a ni. He thil thlendan hi CCTV-ah record a nih avangin chiang takin a lang thei a, New York police-te chuan pawikhawihtu hi an zawng nghal a ni.
