Britain naute thla 8 mi model!

Bath khuaa Freya Fossaceco chu a nu Kirsty Whelan, kum 26 mi chuan cheiin a thla a laksak țhin a, chu chu naute puala instagram account a siamah a post țhin. A nu hian Freya hi thla 1 leh a chanve vel leka upa a nih laiin instagram-ah account a siamsak a, naute thlalak a post țhin chu mi’n an lawm viau a ni ang, instagram account a neih ațanga thla 6 vel lek chhungin followers 6700 chuang a nei hman.

Freya hi thla 8 leka upa a ni a, camera hmaah chuan a nui sáng țhin. Ke-a ding rual la ni lo mah se, Britain naupang duhawm leh chei nalh ber a ni chho mek. A nu Kirsten chuan Freya tan instagram account @forget-me-not-frey-frey tiin a siam a, a fanu cheina thlalak 1000 chuang a post tawh a ni.

Freya hi tunah chuan USA leh Australia-a naute thawmhnaw zuartu Bow Boutique leh Bowties & Candyfloss te tan instagram-ah brand representative a ni der tawh! Model naupang tak chu a ni ve hrim hrim! Heng company-te hian naute thawmhnaw tur chu a thlawna rawn thawnin, chung thawmhnawte hmanga duhtawka a nuin a chei hnuah instagram-ah a post ta țhin a ni.

Kirsty chuan, “Freya pian hma hian instagram user ve mai ka ni a, mahse, a pian hnu hian a thlalak te ka upload a, chu chu hmun hrang hrang ațangin an lo like țhin a, nun a tihlim ve hle,” a ti a, “Britain nu zingah hian naute thawmhnaw design thiam tak tak an tam tawh hle a. Kei chuan heng mite kutchhuak hi ka hlut a, tun thlengin ka la lei zel a ni,” tiin a thlawna naute thawmhnaw tur a dawn avanga lei a țhulh phah loh thu a sawi.