ZORO PRESS RELEASE ON KHUANGCHERA

Zo Hnam Pasalțha Khuangchera chu India hnam chhan avanga nun chân anga sawi a, Indian Freedom Fighter-te zinga an rawn tlar ta mai hi ZORO chuan hriatthiam harsa a ti a. Hetianga dawt hulhual buaipui an lo awm ta mai hi ZORO chuan țha lo a ti hle a, chumi atana lo puibawmtu tualchhung mite pawh hnam pawi khawihna a ni tih hria a, tawpsan turin a ngen takmeuh a ni.

Pasalțha Khuangchera hi Zo Hnam awpbeh tuma Vailian lo thawkte lo dang kir tura thawk chhuakin, ram leh hnam tan a nunna hlu tak a lo hlan ta a ni. A dik takin Pasalțha Khuangchera khan India a hre lo a, an lal, an țhenawm khawveng leh a nupui fanaute, hnam dang awpbeha an awm lohna tura thawk chhuak a ni. Zo Hnam pasalțhate khan Vailian kha lo doin Khuangchera chauh lo midang tamtakin Zoram tan an nun hlu tak an lo hlan tawh bawk a ni.

Zoram tana nun hlântu Pasalțhate leh Lalte kha ZORO chuan a zahin, zahna chibai a bûk reng a ni. Chuvangin India zalenna atana nun hlâna puh tumna hi ZORO chuan a dem takzet a, heti zawnga hmalakna hi ZORO chuan a theihna zawng zawngin a do zel ang.

ISSUED BY ZO RE-UNIFICATION ORGNISATION : AIZAWL