MNF Sorkar in zu a zuar lo, High Court order hmanga zu zawrh ani: Dr. K Beichhua

AIZAWL 18th February, 2019: Thawhṭanni khan Mizo Hnam Runah chhung inkhawm neih niin Excise & Narcotics Dept. Minister Dr K Beichhua chuan thu a sawi.
HIGHLIGHTS
• Assembly Session hmasa berah zu khap burna dan ‘legislate’ ani ang.
• High Court lam order hmanga zu zawrh mek ani.
• Ruihhlo do kawngah Central YMA leh Kohhran, khawtlang puihna a ṭha hle.

Excise Minister Dr. K Beichhua chuan, “Kan sorkar tuk tukleh mai aṭangin ‘dry day’ kan puang a, kan puang zawm zel a. A zuartuten min khing a, kan zu zawrh tihtawp laikawk chu min stay ta a. He zu zawrh mek hi a zuartute kan ni lo, High Court lam order-a zawrh a ni,”  a ti a. “Ruihhlo do kawngah hian Central YMA, Kohhran, Home Department leh khawtlang puihna Excise Department-in kan dawng ṭha hle a, kan lawm takzet a ni,” a ti.

Minister chuan Excise thawktu mi 300 bawr chauh an nih thusawiin an indaih tawk lo hle tih a sawi a. “Excise Force tihchak hi kan hotute rilru a ni,” a ti bawk.

Social Welfare Minister chuan, “Kan ṭhalaite ruihhloin a tihbuai nasatzia kan hria a, heng mite enkawl dan training-in mi 29 hmunpuiah kan intir a, an training zo tawh a. Thingsulthliah-a PISGAH Reformatory Centre hi de-addict Centre atan hman a, he hmunah hian an natna leh ruihhlo zun an ngaihnate tihzia-awm a, Seṭhawn lama enkawlzui tura dah thlak tur angin sorkar chuan ngaihtuahna a hmang mek,” a ti.