Aizawl ah Wine Shop a lun leh hle!

December ni 18 a MNF Sorkar thar Council of Minister ṭhukhawmin Sorkar leh PSU te aṭanga zu zawrh a tihtawp nghal hnuah december 21 aṭanga kumthar january 14 thleng dry day ah a puang leh nghal bawk a, vawiin hian Aizawl khawpui leh hmundanga wine shop te chu wine shop hawn thar tirh ang mai khan a lun leh nghal hle.


ZORAM TODAY| Aizawl, 19th Dec,. : Nimin a Council of Minister ṭhukhawm thuchhuak puangin Chief Minister Zoramthanga chuan Sorkar dept. leh PSU aṭanga zu zawrh a khap nghal a, hetih rual hian Dec 21 – Jan 14, 2019 thleng dry day ah a puan hnuah inthlan hmaa MNF party in sorkarna an siam chuan zu zawrh kan ti tawp ang, an tih chu a takin an kaltlang pui dawn niin a hriat ṭan ta.

Dan siam lamah harsatna a la awm deuh dawn avangin zu khap bur chu tun maiah a la harsa rih niin Chief Minister hian sawi mahse, mimal wine shop neite chuan dry day puan hma leh zu zawrh tihtawp anih hmaa a tam thei ang ber hralh tumin an hmanhlel hle a, hmun ṭhenkhat ah chuan zu permit card ngai lovin zu a lei theih, niin Zoram Today chuan thu a dawng a, vawiin hian zu lei an ṭhahnem hle nia sawi ani a, wine shop kawtah zu lei tur an intlar nasa hle bawk.