Zodintluanga a bial Thorangah a nghing! Chakna ‘chance’ a tlem

2018 MLA inthlan lo awm tura Congress Party Campaign Committee Chairman leh an Legislature Party Treasurer nibawk Zodintluanga chu a bial  Thorangah ṭum dang aiin bial mipuite lawm a hlawh tawhlo hle niin Zoram Today chuan thu a dawng. Congress MLA dang ang bawkin a tlinloh mai rinna avangin a bial chhungah tunlai hian a tawm deuh chawt.

Zoram Today: Thorang bial ah hian term thum ( kum 15) lai thlan tlin anih avang hian a bial mipuite hian ngaiah an nei deuh tawh niin bial mipuite titi aṭangin a hriat theih a, tin, a bialchhungah hmasawnna lian tham hmuh tur a awm meuhlo a, inkalpawhna kawngpui phei chu bial dangte aiin a chhe filawr hle a, hei hi a tlinlohna tura an ngaih lian ber pawl a tling nia hriat ani.

He bial ah hian MNF Party chuan Super Minister an tih mai khing tur hian Er.R Rohmingliana an dah dawn a, ani hian nikum hmasa lam daih tawh aṭangin he bial hi a luhchilh a, Zodintluanga kal ngailohna khaw hrang hrang a tlawh kual nasa hle niin sawi ani a, Minister Zodintluanga hi hna thilah a buai ve bawk nen, a bial vil ṭhat hmaloh laiin ani Er. Rohminga hian ṭhutchilhin theihtawp a chhuah nasa hle niin Zoram Today chuan thu a dawng a, tunah hian Er. Rohmingliana hi a la sang deuh zawk niin sawi a awm. He bialah hian Chakma an tam avangin a hlawma Chakma vote hmu hnem apiang an tlin chhoh mai rin ani a, Zo khaw zinga vote tamna ber Lungsen ah pawh Er. Rohmingliana hi a la sang zawk hle niin sawi ani.