Congress aṭangin R. Zirliana a bâng dawn nge an ban dawn?

Mizoram Pradesh Congress Committee (MPCC) hruaitu pawimawhte chu nimin Pathianni khan Chief Minister Lal Thanhawla chenna In ah thu pawimawhtak ngaihtuahin an ṭhukhawm a, zan dar 10 an thleng niin tualchhung chanchinbu The Aizawl Post chuan a tarlang a, MPCC Vice President R.Lalzirliana chungchang an ngaihtuah niin tarlan ani.

ZORAM TODAY: Tarlan tawh angin Home Minister R.Lalzirliana hian zirtawpni september ni 14 khan Cabinet Minister aṭanga ban na a lo thehlut tawh a. Chutihrualin an party aṭangin a bang tel lo tih a sawi ani.

MLA inthlan a hnai tawh hle a, thla hnih khat chauhin inthlan a dang tawh niin alang a. Hetih lai hian opposition party te an ṭangin theihtawp an chhuah a, MLA candidate turte an siamfel chho ṭan mek a. Opposition party lian ber MNF chuan 2018 MLA inthlana an party candidate turte ngaihtuahin Nomination Committee pawh vawi tamtak ṭhu tawhin an ṭhu tawp dawn hnai tawh niin thudawn ani a, bial 40 ah bial 38 a ding turte an ti chiang thawkhat tawh nia hriat ani bawk.

Rorel lai Congress Party hian nomination committee chu an siam tawh a, mahse candidate tur ngaihtuah hian an la ṭhukhawmlo niin thudawn ani. Tunhnaiah an party a mi pawimawh ber pawl leh nomination committee a tel R.Lalzirliana dinhmun heti anih mek avang hian an tan Committee pawimawh tak neih chu a him rihlo niin alang a.

The Aizawl Post thudawnna kan hmuh danin MPCC hruaitute Pathianni a ṭhukhawm chuan R.Lalzirliana hi ban tir emaw hnawhchhuah emaw nge hlawk anga ama ban hun nghah tihah an ngaihtuahna a phir a, chutih laiin committee pawimawh tak (Congress MLA Nomination Committee) ah a la tel si avangin leh a hmanhmawh thlak si avangin chawlhni tlaiah an ṭhukhawm ta rum rum tih thudawn ani, tiin an ziak.

(Sept.17 a The Aizawl Post thu ziah)

Nimin a ṭhukhawm MPCC hruaitu pawimawhte thurel hi hriat belh theih nilo mahse tlai dar 3 aṭanga zan dar 10 thleng thukhawm annih avang leh an Vice President tel lova hun hmang anih avangin R.Lalzirliana chungchang hi ngaihtuah berah an hmang tih a tichiang ah ngaih ani a; hetih mek lai nimin tlai khan Meghalaya Deputy Chief Minister leh National Peoples’ Party (NPP) hruaitu Prestone Tynsong chuan R.Lalzirliana hi an In ah a lenchilh a, eng thu nge an sawi hriat ani lo.

2 thoughts on “Congress aṭangin R. Zirliana a bâng dawn nge an ban dawn?”

  1. Thanks for sharing such beautiful information with us This is a wonderful article, Given so much info in it, You can see Travel Nearby best tourist place Best Honeymoon Destination in this page.
    Travel Nearby
    Best Tourist Places in India
    Tourist Places in Himachal Pradesh
    Travel Destination Near Manali
    Beautifull Hill Station Shimla for Couples
    Tourist Place Near Kasauli
    Places to visit in Chamba
    Places to visit in Chail
    Places to visit in Khajjiar
    Places to visit in Mcleodganj

Comments are closed.