BREAKING NEWS! Minister aṭanga R.Lalzirliana ban na CM Lal Thanhawla’n a pawm tur thu a sawi

R.Lalzirliana, Home Minister in Chief  Minister Lal Thanhawla hnena Cabinet Minister aṭanga ban na lehkha a thehluh chu CM Hawla chuan a pawm tur thu a sawi.

(Pic : DD News)

ZORAM TODAY: Chief Minister Lal Thanhawla hi programme pawimawh hmanga Lunglei lam a aawm lai ani a, Lungleia  DDK palai in a kawmna  vawiin september ni 15,2018 a tarlan ah Chief Minister Lal Thanhawla chuan R.Lalzirliana, Home Minister in a nihna aṭanga ban na a thehluh chu a pawm leh pawmloh tur zawhna chhangin ” Pawm e a, patlingin a ka bang e, a tih chuan ka pawmloh kha eng nge sawtna awm? ” tiin a chhang.

Tarlan tawh angin Home Minister R. Lalzirliana hian nimin zirtawpnia an party chhung inkhawm neih zawhah Cabinet Minister aṭanga ban na thehlut turin Chief Minister’s Office(CMO)  a pan nghal a, Chief Minister hi a lo awmloh avangin a aiawhin ban na lehkha hi CM Personal Secretary in a lo dawng ani.

CM Hawla hian Home Minister R.Lalzirliana ban na lehkha hi a la hmuh loh thu Lunglei a DDK palai hrilhin , a hmun ruak hnawhkhat tur pawh ngaihtuah hman anihloh thu a sawi.

Tunlai Zoram Politics lam ngaihven deuh te’n rinthu an sawi danin R.Lalzirliana hna chanvo hi Minister Zodintluanga emaw CM unaupa Lal Thanzara emaw te’n an chan mai ring an tam a, inthlan a hnaih tawh avang leh tun term kal lai a tawp ṭep avangin CM Hawla hian a kawp tluan nghal mai ring an tam hle bawk.