MNF ah Robert Romawia Royte ; MZP President hlui VL Krosshnehzova pawh?

ZORAM TODAY: Mizo pa lar, India ram club football in elna sang ber I-league a Aizawl FC an champion theihna tura thawk hlawk ber leh Mizo sumdawng hausa Robert Romawia Royte chuan vawiin september ni 12 hian a awmna Chhinga veng MNF unit -1 ah membership fee pe in a inziak lut ta a, karleh thawhṭan september ni 17, Mizo Hnam Rùn chhung inkhawmah MNF President Pu Zoramthanga’n a lawmlut ang.

Robert Romawia Royte hi North East Consultancy Services( NECS) ah chief managing director niin Aizawl Football Club ah President ani mek bawk. Kum 2014 Lok – Sabha inthlan khan Independent candidate niin Congress party lo zawng party dangin an thlawp a, a khingpui MP( Lok Sabha) ni mek Congress party candidate CL Ruala a hnehlo ani.

Tunah hian Aizawl East II Constituency ( Dawrpui, Saron, Armed Veng, Chite , Chhinga Veng ) hi a vil mek. Ani rual hian Bhavan lama Congress party hruaitu ṭhenkhat leh a awmna biala Congress unit hruaitu mi ṭhahnem takin MNF party hi an zawm ve dawn niin thudawn ani.

Hetih lai hian MZP President hlui VL Krosshnehzova , Finance Secretary hlui Lalnunnema Ralte leh zirlai hruaitu hlui ṭhenkhat te’n MNF party hi zawm thuai an tum niin Zoram Today chuan thu a dawng bawk.

3 thoughts on “MNF ah Robert Romawia Royte ; MZP President hlui VL Krosshnehzova pawh?”

Comments are closed.