NLUP chungchanga PIL file tuin a case a withdraw!!: KS Thanga, NLUP Nodal Minister

Aizawl August 4th, 2018 Inrinni

Zoram Today: NLUP Nodal Minister KS Thanga chuan nimin august ni 3 zirtawpni MPCC Political Session Congress Bhavan a neih ah thu a sawi a, NLUP chungchanga Court a PIL thehluttu te’n an case an withdraw a ti!

Nimin a MPCC thuchhuahin a tarlan danin Pu KS Thanga NLUP Nodal Department Agriculture Minister chuan thusawiin, ” Vanramchhuangi (Ruatfela Nu)  inti in NLUP semdan chungchangah High Court ah PIL a thehluh chu High Court chuan a dismiss a, a rawn khingtute pawh hian an case hi an withdraw nghal a, a chhan chu an khinna hi thu tlinglo anih bakah Court hian PIL a pawm tur in sawrkar programme mipui khawih chin leh sawrkar policy ah hian Court a in rawlh thei lo ani ,” a ti.

Minister chuan ” NLUP hi 14 february 2010 ah CM hovin ropui taka tan a ni a, Chief Minister in Pathian lam tang programme a tih fo thin angin retheih te lam tang anih tlat avangin  eptu party leh mi dang dangte pawhin an beiiin hek thin mahse vawiin thlengin chhungkaw  nuai 1 singriat sangkua lai NLUP hian atuam tawh a ni”, a ti bawk.