ZPM Movement anga kal zel hi ṭha kan la ti

Zoram Today: Nimin July 26, 2018 (Ningani) khan ZPM Office, Aizawl-ah ZPM General Hqrs. Steering Committee neih a ni a, he hun hi Upa Lalliansawta, Chairman-in a kaihruai ani.

Upa Lalliansawta chuan, “ZPM Movement hi Pathianin mal min sawm a, Zoram hmun hrang hrangah Steering Committee a ding chho mawlh mawlh a, a lawmawm hle a ni, a ti. Hetianga Malsawmna dawng thei zel turin a chhunga awmte, a thawktute hian Pathian malsawm tlakin I thawk zel ang u’” a ti a, tawngtaina a nei nghal bawk .

Secretary General K. Sapdanga  chuan he inkhawmah hian CAUCUS thurel  sawilangin, “ZPM hi Movement angin a bul kan ṭan a, tun hunah pawh Movement angin ala kal zel bawk a, Pawl pasarih te hian Lungrual takin ZPM Movement anga kal zel hi ṭha kan la ti a ni, a ti a. Hmun hrang hrang atangin lehkha leh Phone hmangin min ko renga, he Movement hian mite thinlungah hna a thawk a, nakin lawkah a rah duhawm tak la hmuh thuai pawh a beiseiawm a ni” a ti bawk.