BREAKING NEWS: MNF Țhalaite’n State Lottery Office an dang nawn leh

Nimin lama he office hnathawk thei lova an dan chah hnuah vawiin July ni 10, Thawhlehni hian MNF Țhalaite chuan Directorate of Institutional Finance & State Lottery office kai tur an dang nawn leh a, vawiin hian pisa kai tur staff an awm mumal lova, Director office kai tur pawh MNF Țhalaite hian lo dangin, lottery  buaipuitu hnamdang firm palite pawh thil awmzia an hrilh a; police țhahnemtak duty mahse boruak duhawmlo thleng ala awm lo.

Aizawl July 10th, 2018 Thawhlehni
Zoram Today: MNF Țhalaite’n he office an dan chhan hi Mizoram sorkarin state lottery a kalpui dan an duhloh avang leh 2012-2015 chhunga Mizoram sorkar sum bawma lut tur Comptroller & Auditor General of India (CAG) report in cheng vbc 11808.77 lai bothláu anga an tarlan bawhzui nan leh he sum bo a mawhphurtu ah Chief Minister Lal Thanhawla puhin a duhsak zawng vai firm pali hmang țangkaia sum siampui ah an puh ani.
MNF Țhalaite chuan tuna vai firm pali te contract agreement hi a tawp hnuah  kum tamtak an lo pawhsei sak tawh tih sawiin tunah pawh hian an sorkar kum 10 chhungin an pawhsei sak tluan dawn niin a lang a, thil pawi tak ani, an ti a, Tender thar chhuah vat a, sorkarin sum tam tak a lak luh theihnan dan siamțha nghal turin sorkar an phut tih an sawi bawk.
Chief Minister Lal Thanhawla chu lottery hi a wallet (sum bawm) a hmangah MNF Țhalaite chuan an puh ani.
Lottery kalphung tih danglam an duh thu sawiin tuna an hmalakna hian awmzia a nei lo anih chuan nasa zawka hmalak an tum tih vawiin khan an sawi.
Vawiina MNF Țhalai punkhawmna ah hian party hruaitu țhahnemtak an tel bawk a, MNF Party treasurer leh MLA ni bawk Pu Vanlalzawma leh MNF party Vigilance Dept. Secretary David R.Lalsawmtluanga te’n thusawina hun an nei ani.