ZPM in an office atan ZNP office an hmang dawn ta!

Aizawl 1st July, 2018 Pathianni

ZPM general secretary leh Vanglaini chanchinbu neitu, editor nibawk Pu K.Sapdanga chuan ” ZPM Steering Committee thu bawhzuiin ZPM Office luah dan tur ruahmanna thar a hnuai tarlan ang hian siam a ni a, hei hi hman nghal tur a ni,” tiin hriattirna a tichhuak.

Hetiangin:

1. July ni 2, 2018 atang chuan ZPM Office luah mek bakah, ZNP Office chu ZPM Office atan hman a ni tawh ang.

2. Chhung Inkhawm leh Committee Meeting hrang hrang hi (ZPM Office thar), ZNP Office thinah hian neih thin a ni tawh ang a, Department thenkhat sawn turte chu GS te nen inbe rawnin ruahman a ni ang.

3. Ruahmanna thar hi en chhin phawt a ni ang, tih ani.

ZPM hian tunah hian MPC party office chu ZPM office atan an hmang mek a, MPC office ah hian ZNP party mi leh sa țhenkhat an kal țha duh vak lo niin titi a awm țhin a, chuvanga ZNP office hi ZPM office tura hmang thar leh anni em tih erawh hriat ani lo.