Uisa zuar tute an țawng chhuak; ramdangah phei chuan ‘uisa kût’ an nei țhin : UZA

“Mizorama uisa lakluh te chu check gate a vety doctor endik thlap hnua chhiah chawi ngai zawng zawng chawi hnuah lakluh chauh zel an ni” 

(File Photo)

Aizawl 16th  June, 2018 Inrinni


Today News Service

Zoram Today: Uisa Zuar Association (UZA) chuan Humane Society International (HSI) in tun hnaia Ui zawrh tur sawmthum panga leh a phurhna motor an man thu media hrang hranga lo lang chungchangah thil hriat sual a awm thu vawiina thuchhuah an siamah an tarlang.

Uisa zuar tute hian Mizoram sawrkarah Societies Registration Act, 2005 (Act No. 13 of 2005) Reg No. MSR 930 0119.04.2018 anneih thu leh lehkha felfai tak nei a ui hi lalut țhin an nih thu an sawi bawk.

Uisa Zuar Association chuan an Ui lakluh te chu check gate-ah Vety doctor te check tir hmasak vek hnu ah chhiah(tax) chawi tur ang chawia la lut chauh țhin a nih thu sawiin ” Prevention of Cruelty to Animal Act 1960 dan kalh lovin kan ui lakluh te hi a www.zoramtoday.in hrehawm lo thei ang bera phurh țhin an ni a, a phurhna tur motor pawh a bika siam ngat hman a ni,” an ti.

 “Uisa zuarte dan kalh leh ran chunga ngilnei lo ang hiala lantir hi thil diklo ani tih mipuite kan han hriattir” tiin an thuchhuah ah tarlan ani.

Uisa zuar tute chuan “Mizote hi uisa ei hnam kan ni a. Chutiang bawkin keini aia ram changkang zawk China, Vietnam, Korea, Japan leh ram tam takah uisa hi an ngai hlu in ‘Uisa kut’ hial te pawh an lo nei țhin a. www.zoramtoday.in Uisa an ei avangin khawvelin a hmuh hniam phah lo.” an ti a. Mizote’n uisa kan lo hnualsuat a, uisa ei țhinte hmuh hniamna kan nei ringawt hi thil țha ber ani lo anti.

Uisa zuar tute chuan “Bawng pawh tun hnaiah adhaar card hial pek rawtna neih a ni a, mahse, democracy ram kan nih avang in state thu neitute thu ni rawhse, an ti ani, tiin.

www.zoramtoday.in Kan eizawnna kalh zawnga a hman hmanin min rawn sel a, uisa zuar tute min dem rawn vak țhin hi kei ni Uisa Zuar Association te chuan nâ kan ti a, kan eizawnna ti bawrhbang zawng leh kalh zawnga hmala an awm anih chuan an chungah harsatna eng pawh thleng se Aizawl Uisa Zuar Association te’n mawh kan phur lo ang” an ti.