MIMER MBBS Course fee bithliah fel; a zat an sawi lang lo!

ZORAM TODAY:   Vawiin  May ni 26 khan Mizoram Institute of Medical Education and Research (MIMER) a MBBS course  fee bithliah tu Committee – ‘Committee for Fee Fixation’ chu an Chairman High Court Chief Justice (Rtd.) Justice T. Vaiphei hovin Aijal Club ah an thukhawm a. He Committee hi Medical Council of India in a phut anga din niin May ni 21 khan Mizoram Sawrkarin a dinna order hi an chhuah ani.

Justice T. Vaiphei leh MIMER Director Jane Ralte te telna committee hian țhenawm state medical college leh ramchhung hmun dang medical college te fee structure bakah state țhenkhata NRI te fee structure zirchianna a neih chu Committee hmaah pharh niin, hei hi member ten chipchiar takin an sawiho, tih sorkar thuchhuah ah tarlan ani.


Committee chuan “MIMER hmasawn zelna tur leh Mizoram dinhmun ngaihtuah chungin vawiina țhutkhawmna hian MIMER MBBS course fee chu an bithliah fel ta ani” an ti.

Sorkar thuchhuah ah hian  fee zat tur leh  chawi ngai zat Mipuite hriattheih turin engmah tarlan ani lo thung.