ZPM-ah KTP leader ni lai lawm lut

ZORAM TODAY: ZPM thuchhuahin a tarlan danin, vawiin May ni 25, 2018 (Zirtawpni) khan ZPM chhung inkhawmah Nationalist Congress Party leh mithar dang eng emaw zatin ZPM an zawm thar a, heng zingah hian Pu Malsawmzuala, Mission Veng KTP leader leh Mission Veng MNF Unit President ni bawk chu a tel. 
Pu Malsawmzuala chuan Mizoram pawna lehkha an zir lai atang tawha ram a vei thin thu leh Zoram politics-ah diknain hmun a chang lo thin nia a hriat thu a sawi a. “Chhungkhat pa berin a nupui fanau a enkawl hi a tih tur, a mawhphurhna a nih angin a thawk mai tur a ni a. A fanaute’n an pa hnathawk leh an fak chiam a ngai lo va. MLA leh party workers pawh hian an tih tur an hre lo thin a. ZPM hian ram kaihhruai an tumnaah Pathian an dah hmasa a, ram an siam tak tak hi ka ring tlat a ni,” a ti. 
Inkhawm hi Pu F. Rodingliana’n a kaihruaiin, Pu K. Liantuala Former Principal, HBC-in hunserh a hmang a, Pu Lalliansawta pawhin thu a sawi bawk.

ZPM-in vawiina anmahni zawm thar nia an tarlante chu:

1. Pu Malsawmzuala, Mission Veng

2. Nl Laldinsangi, Venghlui
3. Nl Malsawmtluangi, Nursery
4. Nl Lalsangpuii, Mission Veng
5. Pu R. Lalhmunsiama, Mission Veng
6. Pu RK Lungmuana, Mission Vengthlang
Functional Manager (Rtd.)
7. Pu V. Lalchhuana, MSS (Rtd.) Mission Vengthlang
8. Pu Lalhmingmawia Colney, MSS (Rtd.) Khatla South
9. Pi Zairemi, MPS (Rtd.) Khatla South
10. Pu H. Lalzidinga, Khatla South
(Inspector, MPRO)
11. Nationalist Congress Party (NCP)