Mizoram Governor thar tur RSS hruaitu hlui leh Social media ngaina Kummanam Rajasekharan

ZORAM TODAY: Kerala state BJP President Kummanam Rajasekharan chu Mizoram Governor tura ruatthar ani. Ani hian May ni 28 a a term tawp tur Lt Gen Nirbhay Sharma a thlak ang.

Mizoram Governor thar tur hi BJP party a hruaitu țangkai tak niin BJP President Amit Shah mi rin tak ani bawk. Kottayam, Kerala a apiang niin, CMS College ațangin a graduate a, Journalism lamah Master degree a nei a, Sorkar hna ah lutin kum 1987 kuma hna a bansan hnuah Hindu Aikya Vedi leh Sabarimala Ayyappa Sewa Samajam ah Secretary nihna pawimawh tak a chelh ani.

Kum 1970 vel ațang khan Hindu kal firfiak pawl anga ngaih Rashtryia Swayamsevak Sangh (RSS) leh Sangh Parivar  ah active taka inhmangin, 18 december, 2015 ațanga vawiin thlengin Kerala state BJP President dinhmun hi a chelh ani.

Mizoram Governor thar tur hi khawvel hmun dang anga Mizo te’n kan tuipui em em social media ah active tak niin, zuitu(followers) pawh maktaduai chuang a nei a, a facebook live țhinah pawh sang tam tak entu a nei țhin ani.

1 thought on “Mizoram Governor thar tur RSS hruaitu hlui leh Social media ngaina Kummanam Rajasekharan”

Comments are closed.