Naktuka India Vice President lokal dawn avangin Aizawl lirthei tlan kawngah harsatna a awm dawn. Traffic SP in thuchhuah a siam

ZORAM TODAY : Vice President of India, Shri Venkaiah Naidu chuan naktuk May ni 24 hian Mizoram a rawn tlawh dawn a, hemi atan hian Trial Run neih niin Veng thenkhatah lirthei kawngpui sira dahhnawk ala tam hle niin Aizawl Traffice SP chuan a sawi . Heng kawngpui sira lirthei dah zawng zawngte hi naktuk Ni 24 May 2018 zing dar 6:00 rik hmaa dahsawn turin lirthei neitute hriattir an ni, tiin Aizawl Traffic SP chuan thuchhuah a siam.

Ningani 24 May 2018 zing dar 6 ațanga tlai lam dar 5:00 inkar ah Țhuampui Helipad Junction ațanga Mizoram University inkar via Bawngkawn,  Edenthar,    Hunthar, Company Peng, Vaivakawn, Ramrikawn leh Mizoram University ațanga Raj Bhavan inkar via Vaivakawn, Temple Square, Zodin Square, Dawrpui, Zarkawt, Chanmari, Chaltlang, Bawngkawn kawngpuiah hian lirthei duh ang angin a tlan theih dawn loh thu sawiin lirthei neitute leh hmangtute pawh tumlohna lamah intlan tir a ngaih chang leh rei deuh tak in din tir a ngaih hun te pawh a awm dawn avangin hemi hun chhung bikah hi chuan kan lirtheite hmang tamlo tura lo inhmakhua lawk turin mipuite ngen leh hriattir an ni , tiin thuchhuah ah tarlan ani.