Entawn chawp pawha fail sorkar kan hrawn mek -MPP President

ZORAM TODAY: Vawiin (dt.21.5.2018) Thawhtanni hian ZPM Office chhung inkhawmah Pu Laltanpuia, Mizoram People’s Party (MPP) President chuan thu sawiin, “Tuna kan sorkar hrawn mek hi entawn chawp pawha fail sorkar a ni,” a ti a, “A thawk tlem apiang hamthatna dawng anga an lan avangin kan thalaite tha a chhat zo tawh a. IAS inziak tling thar kan neih theih tawh lohna chhan pawh hi kan sorkarin thatchhe policy a kalpui vang a ni. Hetah hian kan sorkarin mawh a phur,” a ti.

MPP President chuan, “Industry kan din dawn a nih chuan kan ram chhung ngei ami raw-material mila kan din a pawimawh a. Chu chuan chhungkaw sang tel eizawnna a siamsak thei dawn a ni,” a ti a. “Hruaitu reng reng hian an hruaina hmasa term an tluk ngai lo,” tiin, “Kan sorkar hrawn tawh leh hrawn mek pawh hi chutiang chu an ni,” a ti bawk.


ZPM chhung inkhawm hi Prof. Thangchungnunga, Val Upa Council Secretary-in a kaihruai a, Upa Lalliansawta, ZPM Steering Committee Chairman chuan hunserh a hmang bawk a ni.


1 thought on “Entawn chawp pawha fail sorkar kan hrawn mek -MPP President”

  1. MPP President thusawi inziak lang bera ama thlalak hmuh ka inrin nen Prof TC Nunga thlalak a awm daih a.. Inkhawm hruaitu chu ni tho mahse, Pu Ṭpa khi a lang nasa zawk sia.. Ka tideuh mai2 a..

Comments are closed.