ZORAM TODAY | November 3-16, 2015 – Hriatpuia Khiangte
Lirthei khalh laia kai lutuk avanga mahni inthunun zo lo Los Angeles nu pakhat chu a motor atangin a tla a, a fapa kum 3 mi chuan a thiam ang angin a steering a vuan ve nghal chat. Tichuan, chetsualna an pumpelh ta niin US media report chuan a tarlang.
Zu ûm kuah ve reng thin, kum 33 mi Taloa Foster hian nam phút chungin a lirthei (Pickup Truck) a hawl chhuak a, a chahthlâksan dawn tih hre miah lovin kum 3-a upa a fapate pahnih phîr pawh a hruai ve a ni.
Kawi eng emaw zat an pelh hnuah zu hnathawh a lang tan a, Taloa hi a meng hlei thei tawh lo. A khalh lui zel a, a thluakin a tlin tâk loh hnuah lirthei atangin a tla chhuak a; a ruala chuang ve a fapa pakhat zawk chuan a khalhna vawnfung a chelh nghal chat a, him pialin Oklahoma kawtthlêr dung a zawh mauh mai a ni.
Pontotoc County District Attorney-a thawkte chuan, zu ruih avanga dinhmun hlauhthawnawm taka a fate dintirtu Taloa lakah thubuai an ziak lut a; hetih lai hian nu berin a chahthlâksan a fate pahnih dinhmun erawh a tha niin police-te chuan an sawi.
