Nui ila-8

ZORAM TODAY | March 1-14, 2016

* Naupang pakhat pawh kha bus-ah a chuang a, bus driver bulah a thu a, “Ka nu chu chumi chu ni se, ka pa chu chumi chu ni se, chumi chu ka ni ang mawle,” a ti reng a, bus driver ning lutuk chuan, “A nih i nu chu nawhchizuar ni ta se, i pa chu zungawlvei ni ta se, eng nge i nih ang?” a tia, naupang chuan nui vur vur chungin, “Bus driver!” tiin a lo chhang a.

* Pa pakhat paw’n forest rama mi thing a sat a, forest duty chuan, “Engati nge reserved thing i sah mai ni?” a tia, chupa chuan, “E le, hnahkhar emaw ka ti mai asin,” te a ti vel maw le. Hre lo ve khawp mai.

* Pa pakhat khan a fapa kha a rawn um chhuak a, an thenawmte chuan, “Engati nge?” an lo tia, “Khapa khan ka thingzai min leitir alawm le,” a ti khur khur!

* A dam lai khan a lerh ve awm mai mai. A’n thi chiah chu a kuang kilin nula eng emaw zat an lo thu a, an vui dawn hnaihah chuan a bialnu a rawn thleng, a bialpa nu bulah chuan kuang bula thute chu tute nge tih a zawt a, a nu chuan, “Hei, Mama bialnute an nih hi,” a lo ti heu mai.

* England rama lal khan a fanu tan pasal a thlang dawn a, lal fapa (prince) ngei ni thei se a ti a, a tlangautir ta a. A tukah tihtur (task) a siamsak a, sava tiat lek target-ah siamin cross-bow a kah fuh chat tur a ni a, an han kap sap sap hlawm a, tuman an fuh thei ta lo. Lal chuan mi nawlpuiin an kah fuh theih chuan lal fapa (prince) kher pawh a ngai lo tiin mi zawng zawng a sawm ta a, target kap fuh thei apiang chu a fanu pasal ni turin a tiam ta a. An kap sap sap hlawm a, tuman an fuh thei ta lo. Mahse, a tawp a tawpah chuan hnamchawm tih hriat reng reng, samkir bip bep, ria cher sang, hmai bal tak chuan target chu an tin vang vang a, a perh pawp mai chuh, mi zawng zawng aiin a thelh chiang.

* Hmeichhia leh mipa titi.
Hmeichhia : Engtin nge ka koh ang che?
Tlangval : (Inlazei tawkin) Bawihte min ti mai rawh.
Hmeichhia : (No fahranin) Bawihteeee…
(Room atangin a fanuin) Eihah! Nu, eng nge?!
Hmeichhia : Muhil tawh rawh, a tlai tawh.

* Vanduaithlak takin an in a kâng palh hlauh mai a. Mi thilphal leh tlawmngai tak takte thil pek rin ai takin an dawng tha leh sia, an chhungkaw pa ber chuan, “Ka hâl leh reuh dawn emaw ni chu le…” a ti vel.

* “Mobile phone i va nei tha ve. Engzatin nge i lei a?”
“Intlansiaknaa ka dawn a nih hi..”
“Wow! Eng intlansiak nge? A thui em?”

“Thui vak nang. Mobile dawr neitupa leh police 3 te nen kan tlan ho a, ka champion ta lawm..”