Nui ila-7

ZORAM TODAY | November 17-30, 2015

***ICU room pakhata damlo awm apiang kha zing dar 3 bawr velah an thi ziah a, doctor leh nurse ho chuan supernatural thil aniang tiin paranormal researcher ho ruaiin an chhui ta a. Dar 3 rik dawnah room an bihthla a, an thil hmuhchhuah chu – hospital sweeper kha room-ah a lo lut a, life support plug kha phawiin a mobile a charge.

***Khaw pakhatah pawh tlaitin hian tlangvalho chu Biak In kawnga tuikhurah hian zial pakhat hi an in-half kual diat diat thin a, a hmu apiangte’n, “An van inhmangaih tak em!” tiin zial an inpe kual diat diat thin chu an sawi duh em em a tling a, a hnua an han hre chiang chu ganja lek hi a lo nia!

***A lenna nula khan, “Awi! Tho kan ngah lutuk a, a ninawm!” a ti chhen a, chutah a inleng tlangval tawngkam tha duh lutuk chuan, “In tho a ni vek bik lo vang, in thenawmte tho te pawh a ni ang,” a lo ti vel.

***Vaipa pakhat pawhin Mizo nupuiah a nei a, fa an han nei a, a fa lawm ve dan chu – electric bulb bulah a pawm a, a switch chu a chelh a, “Eng ang..tim ang..eng leh ang..tim leh ang..eng ang..tim ang..” a ti ngat ngat zel.

***Liana leh Thanga titi.
Liana : Thanga, kumin chu buh phur engzat nge in thar?
Thanga : (Rang fahranin) Kua kuain za kan tlin lo.
Liana : Chu, in thar tam khawp alawm.

***Vaipa hian cooker a lo zuar a.
Vaipa : Ka pu, cooker lei duh em?
Mizo Pa : Eng zat man nge?
Vaipa : Cheng 950.
Mizo Pa : Cheng 950-in kan nei daih lo. I kal thei!

***Thosi pakhat hi damdawiinah an dah lut a, a kianga thosi pakhat damlo lo mu ve chuan, “Thianpa, nang eng vang nge? Mortein nge goodnight?” a lo tia, chu thosi chuan, Ni lo, ni lo, burma electric racket,” a lo ti hmui cham cham.

***Sa a châng a, a châng chhuak thei lo thinrim kha a chànna thingkung atang khan a e vak a, a êk kham hnuah hnuai lam a en a, a êk pakhat mah a hmu si lo, a hlau lutuk baklengin a tlan haw a, a khua a sik nghal char char. A nu khan hrethiam lo zetin a chem leh a chawfun pai te phawrhchhuahsak a tum mai chu, iptepuiah êk a lo awm teuh.

***A inkhelh laklawh laiin miin, ‘Mawia, Mawia, in in a kâng a nia,” an rawn tia, hmanhmawh leh hlauthawng lutukin a tlan haw char char a. A thleng tep tihah chuan a ding chut a, “Mawia pawh ka ni tawp si lo va,” a ti chut.

***Tapchhakah a thiante’n, “In nu hi engtin nge i rimthluk?” an tia, pawlawh deuhin, “Ka han pal ban phawi vel mai mai alawm,” a ti pek a, sumhmun lama an nu buh deng lai mek chuan, awki hniam bung vat mai hian, “Pal ban i phawi dawnin a bulah i tap i tap kher em ni?” a rawn ti mai chu, a ngawi hmak.

***Pitar pakhat sumo chuang pawh kha, driver hnenah, “Vala, khawi a diesel kha ka lo chawh chhawk ang che, i motor khalh lai chiah kha ngaihtuah rawh,” a’n tih mauh chu le. Mi gear thlak tur a lo chuh chhen e an tih chu.