Nui ila-6

ZORAM TODAY | November 3-16, 2015
* Wine shop-ah a kal a, zawimuang fan raih hian…
“A sen chi in nei em?”

* ‘The 10 commandments’ kha 5D khan a en a, a tak a ang âwm mai mai asin. Thinrim tawkin a lo haw a.. “Ngati nge?” an tia, “Mosia nen kan inhmu thiam lo alawm maw le, tuipuisen kân laiin mi khak sek a,” zuk ti a!

* Ruakin a inbual a, a thil a en vung vung a, ben thek pahin, “Rianga” a’n ti ngawt ah!

* Sex video emaw a tia, a pack neih zawng zawngin a dawnload a, vainu khum siam lai lek a lo nia!

* Guitar perh lam hi chu a thiam zawng tak a nia. A thiam dan hi lawm, a han zût tak tak mai chu a farnuteho an mittui an hru sap sap. A hnuah a bass-in a han thlêm leh ngei hlawm a!

* Tuai pakhat a pain a vua a, a na ti lutuk a’n tê tak tak mai chu! “A na a na…anacondaaaa… anna kournikovaaa… a na a na… anna hazareee……. awiiii…..ANANDAAAAAAAAAA..!!!”

* An kohhran thupuangtu a ngeiawm ve asin. “Zanin hian chhimtu mikhual 5 lai kan nei a, thawhlawm erawh a pung lem lo.”

* A mothar tukah kekawrte an rawn zawrh a… “Ka ha hman tak tak chuang lo, ka lei rih lo mai ang e,” zuk ti vel a!

* Nepali pa khan, “Delhi-ah rangkachak lakna tuichhe paihnaah ka inhlawh a, zingah roti pali tlaiah pali bawk kan dawng a, thla khatah Rs. 2oo chiah kan hlawh bawk si, riltam lutuk hrehawm tak tak ni,” a ti a. “E, i va thawk rei si ve?” a ti a, ani chuan, “Tihdan tha deuh ka hria alawm. Naute ka awm a, ka sik tap vak a, a nu hnenah ‘milk a duh a nih hi’ ka ti a, a nuin bur khat a pe a; nautein tlem a hne a. Ka laksak a, ka in zawhsak vek a. Naute hnenah ‘min ngaidam rawh aw’ kan ti leh mai alawm,” a ti vel ham ham.

* Tv: India flag in zuar em?
Nula: Aw nei e.. (Pakhat a rawn lek chhuak a).
Tv: A rawng dang in nei em?

* Pa pakhat zu in pawh hian, a zu no a in zawh apiang mai khan a wallet a phawrh a, a zu en leh zauh thin a. Chutiang chuan zu no khat a in zawh apiangin a ti ta ziah mai a.
Zu zuarpa chu a insum zo ta ngang lo va, a va pan ta a, “Ka pu, engati nge zu i in zawh apiangin i wallet kha phawrha i en ziah a?” a va ti ta a.
 

Zu in pa chuan, “Ka nupui thlalak ka en a. Tihian a hmel hi a tha ka tih hun a lo thlen chuan ka haw a hun ta tihna a nia,” tiin a lo chhang a.

* Thingtlangpa pakhat pawh Aizawl-ah motor a khalh a, kual phal lohnaah kual a tum a, traffic police duty-in, “Ka pu, helaiah hi chuan a kual theih loh a..” a lo ti a. A steering herh fan fan pahin, “Ka va kual thei awm e aw… Hei aia kawng chhiaah pawh hian ka tlan ngun lutuk alawm,” zuk ti tang tang a!