Nui ila-5

ZORAM TODAY | October 20-2 November, 2015
* A insawithei chi hi a ni ve hrim hrim a. “Eng nge i tih a?” an tih te hian, “Government of India hnuaiah hna chhete ka thawk ve a…” a ti deuh kher zel.

* Pa pakhat dawtsawi hrat lutuk pawh kha a thi dawn a, ramhuai palian pui pui mai khan an lo ban suau suau a, “Angel rual an lo inhawrkhawm tup tup mai le!” a la ti hram.

* Zo chhangban a hriat ve chu a’n ban mai mai khawp a. An chhum lai khan an hawng a, a chunga thlawhna thlawk kha a hip lêt a, thlawhnaa chuangte chuan, “Khawngaih takin in chhang chhum kha chhin rawh u!” an rawn ti tawp!

* Khami an zin chhuah bawk khan an thiante 2 chu an thlen inte’n chaw an lo eisan a, an pahnih chuan an ei a. Pakhat zawk khan chaw a lam a, “Lo inkhawrh ve mai rawh,” a ti deuh tlat a, a va kal a, chaw a lo awm tawh si lo, a zak lutuk chuan dawhkan vawi hnih a hel kual a, thleng silna lam a pan vang vang.

* Pitar pakhat phai damdawiin awm kha doctor-in a nat dan a zawt a, “A changin ka ni ngheih a, a changin ka ni nghuih a,” ti ringawtin a chhang a. Sap tawnga lehsak a ngai si, a hruaitupa chuan, “Sometime she is ngheih, sometime she is nghuih,” tiin a lehsak ta ringawt a ni awm asin.

* Adidas showroom kawta Ronaldinho a tawngtai lai lem, lian tawka intar chu pitar pakhat hian a lo thlek vang vang a, kawnga kalte chuan, “Ka pi, eng nge i en a? Ronaldinho i ngaisang ve mi?” an tia, pitarte chuan, “Ah! Eng ni lo e, khipa tawngtai lai ‘Amen’ hun khi ka nghak,” a lo ti heu mai.

* Naute thar kha a en ve a, a hnar a lo lian deuh a ni ang, “A hnar chu a hnar chu..!” a ti hman a, naute nu leh pa an awm ve reng sia, a inthlahrung leh deuh si, “A tlo ngawt ang,” a ti ta ringawt a!

* Pa pakhat ramkal pawh khan Zawbuang a hmu a, kah tumin silai-in a tin vang vang a, a’n kap tawp mai chu, amah zawk hnung lamah a thal tawp a, a lo tho leh chu a sa kah chuan a lo thlir reng a, lungin a vawm tlan thei tawk.
 

* Tlangval pakhat ruih hrat lutuk khan an ina dendrite awm zawng zawng a lo hnim zo vek a, chutah a pa motor-a petrol hnim turin a lo trick zo vek zel bawk a, a pa tihngaihna hre lo mangang chuan, “Mama, hnim bik nei rawh!” a ti tawp.

* Mipa leh hmeichhia titi.
Hmeichhia : Eng ang laptop nge i neih?
Mipa : Dell XPS15, i7 processor 2.2ghz, led display 4gb ram 1gb hard disk, 2gb NVDIA grafix card. Nang eng ang nge?
Hmeichhia : A pink!

* Nupa titi.
Pa : Nu-i, hei motor ke ka rawn lei a.
Nu : Motor pawh nei hawt lova tinge i rawn lei ngawt a?
Pa : Nang pawh niminah bra i lei ve tho alawm!

* Zu zuar pawh kha a school luhpui thin doctor ni tawh nen an inhmu hlawl mai a, a thianpa chuan, “Eng nge i thawh ve tak?” a tia, a nupuia nau chuan, “A hmingin zu factory chhete a nei ve a…” a lo ti mai chu, an invaw thûm dum dum mai mawle.