Nui ila-1

ZORAM TODAY | August 17-31,  2015 

* A’n phunchiar lo mai mai asin. An nu khan, “Pa-a, vawiin tlai chu chawhmeh siam tur kan nei hauh lo a nia,” a ti dek dek a, an pa chuan, “Ka chawhmeh duhzawng tak a ni!” a lo ti nghal ngawt!

* Tlangval sek deuh hian in hrâng chanchin a sawi ve a, an sawi hlauhawm thiam lo mai mai. “Khai a… Dawhkanah fanghmir te an lo vak nuaih nuai a, a death mai zia chu a…” 

* Sakhi thang a kam a, a va en chuan savawm a lo âwk a, hlado a chham ve a, “Savawm e, a thang pawh hre lo e, sakhi thangah a âwk e..” tiin zuk chham a!

* Chhangban a zuar a.
“Ka pi, chhangban in lei duh em?”
“A khai, a ban awm em mai, kan lei lo mai ang.”
“A ban lo.”

* A leather jacket puan kha a chhe mai mai. A khum lu-ah a khai a, zingah chuan a khawng vek. Thawh pahin a lut chho va, a ha nghal hmiah zel.

* A fanu an duat deuh kha scooty an leisak a, a accident ngun lutuk kha a pa’n a hau va.

“Kan fanu neihchhun tiin neihthinglungkhawngin scooty kan leisak che a, kawngchhakah te i lâwn a, kopang te i su a, ban te i su a, fimkhur ve deuh tawh rawh,” a tia, a fanu chuan, “Ka fimkhur lo pawh a ni lo, i scooty min leisak hi a harh ve hrim hrim a ni!” a lo ti zeih.

* Tlangval pakhat Leather Jacket lei thar pawh kha, meilum a aipui chuan a khup thlengin a fual thla hnuk zel a, khaw vawtin a han hmet leh a, a zakhnuaiah a tawm chho leh vek zel.

* Nula pawh kha kawngka bianga inchhuih luh khut khut pahin, “E khai! Khanchhuka ka’n inchhuih palh chu le!” a tia, nula chuan, “Kha te chu khanchhuk a nih loh kha…” a lo tia. Tlangval chuan, “Keini sawi ve te chu i awih leh tak tak chuang nang,” a’n ti leh zaih ah!

* Chapchar Kût mister thlannaah a tel ve a, Mizo incheina nen thuam famkimin a rawn pên chhuak a. A kawr a phelh a, a’n intisek mai chuh, a tling lo chiang teh asin aw…

* Tlangval pakhat pawh khan nipui laiin a khawlum kawr tur an leisak a, a lo chep kaw thluah mai a. A chhungte’n an hau va, ani chuan, “A lum lutuk a, ventilation ka siam alawm,” a ti mauh mai.

* Insual châk Mawia gym kal haw…
Mawia : Kha, i tha maw?
Liana : Aw, tha e.
Mawia : Eng nge i that vak bikna? I va chapo ve a, min va challenge ve!

* Damdawiina damlo pahnih khan mutna an inthleng vei rawk a, nurse-in damdawi a rawn sem. An ei hnu lawkah pakhat chu meng tang hruin khum hnuaiah a vak lut, pakhat zawk lah chak zet zetin a vei fua fua! Nurse a mangang rap maw le.

* Police pakhat hian rukru hi a um a, a umpha ngang si lo va, a thinrim chu a âng buan buan mai a. An hotupa chuan, “A umtu zawk i ni a, i vannei hle alawm. Nangmah zawk kha rukru hian man tumin um zawk che sela chuan i him hauh lovang,” a lo ti et. 

* Naupang fel hmel deuh hi in kawtah hian inthlahrun hmel deuh hian a lo thu a. Putar pakhat hian, “Mama, i pate an awm em?” tiin a zawt a, naupang chuan, “Aw,” a lo ti mai a. Putar chu inah a va lut, tumah an lo awm si lo, a lo chhuak leh, “Mama, tumah an awm loh hi…” a rawn ti leh a, naupang chuan, “Kan in a ni hleinem,” tiin a lo chhang et. 

5 thoughts on “Nui ila-1”

Comments are closed.