ECI-in application pawimawh siam dawn

ZORAM TODAY: Election Commission of India (ECI) chuan kum 2019 Lok Sabha inthlan huna India mipuite’n an hman theih tur mobile application an siam dawn a, he application hmang hian political party-te Model Code of Conduct kalha an chetna video emaw, audio emaw, thlalak emaw chu activist leh candidate-te’n direct-in election buaipuitute hnenah an thehlut thei dawn a ni.


Nimin, May ni 22, 2018 khan Chief Election Commissioner O.P. Rawat chuan Karnataka inthlanah khan Model Code of Conduct bawhchhiate report-na tur application an siam chu Bengaluru-ah a taka hman a nih thu a sawi a, “Reilote chhungin he application hi 780 download a awm a, a hmangtute atangin complaint pawh kan dawng nual bawk. Thil thlenna hmun chu geo-location record-in mawhphurtute’n hma an la zung zung thei a; free & fair election a awm theih neih nan a tangkai hle a ni,” a ti.

ECI hian hetiang mobile application hi kan hma lawka MLA inthlan awm tur, Madhya Pradesh, Rajasthan leh Chhattisgarh-ah te pawh hetiang application hi hman an tum nghe nghe.