Khawvel ram hausa 6-na India

ZORAM TODAY: Tun hnaia AfrAsia Bank Global Wealth Migration Reviewin a report danin, India ram chu khawvela ram hausa ber 6-na a ni a, a hausakna zawng zawng belhkhawm hi $8,230 billion a ni; khawvela ram hausa ber USA hausakna chu $62,584 billion niin China ($24,803 billion) leh Japan ($19,522 billion) te’n an dawt a ni. He tehkhawngah hian ram tina mimal tin hausakna (sum leh pai, thil neih hlutna, bungrua leh sumdawnna) belhkhawm a ni a; sawrkar fund chhiar tel a ni lo. 

Mithiamte’n an chhut danin, entrepreneurs tam tak awm vang te, zirna tha neih vang te, IT lama hmasawn vang te, real estate, sumdawnna lama hmasawnna, hriselna lam dinhmun leh media lama hmasawnna te hian kum 10 chhungin India hausakna hi 200%-in a pun phah turah an ngai a. Kum 2027 a nih meuh chuan China hausakna hi $69,449 billion niin US hausakna pawh $75,101 billion ni turah an ngai a ni.

Khawvel pumah multi-millionaire hi mi 584000 awmin mi pakhatin an kum khat lak luh hi $10 billion zel anga ngaih a ni a, billionaire pawh 2252 awmin mi pakhatin kum khat chhungin $1 billion la lut zel anga chhut a ni a; khawvel puma mihringte hausakna hi $215 trillion vel nia chhut a ni bawk.