ICT Development Index-ah India 138-na

India chu kum 2016 chhunga ICT Development Index-ah ram 175 zingah 138-na a ni. He thu hi kum tina IT lama ram hrang hrangte than dan zir chiangtu International Telecommunications Union (ITU)-in Measuring the Information Society Report for 2016′-ah  a tarlang a, nikum lamah India chu 135-na a lo ni tawh a ni.

ICT Development Index (IDI)-ah hian ram hrang hrangte ICT (Information & Communication Technology) lama than dan te zir chian niin ranking siam a ni thin a, gin ranking a siam thin a, he ranking leh zir chianna hi UN ITU-in kum tin a ti chhuak thin a; governments, operators, researchers, development agencies te internet luh (access), hman (use) leh thiamna (skill) atangin teh thin a ni nghe nghe.

Kumin rankingah hian South Korea chu a sáng ber niin pakhatna a ni a, 2-na chu Iceland niin 3-na chu Denmark a ni; Switzerland leh United Kingdom-in an dawt bawk. Tin, Niger hi ram 175 zingah a tawp berna an ni a, Chad-in dawtin Guinea-Bissau, South Sudan leh Burundi te an intlar leh bawk a ni.

A tlangpuiin Europe leh America lam ramah ICT hmasawnna hi a thang chak a, Africa khawmualpui ramte hi ICT lamah a hnufual ber leh hmasawn lo ber an ni. Asia khawmualpuia ram 34 zingah India hi 26-na a ni a; an tehfung zinga pakhat ‘use’-ah kum hmasa aiin rank khatin a tlahniam a, 139-na a ni. ‘use’-ah rank 142-na niin ‘skills’-ah 122-na a ni bawk.