September ni 8, 2016 khan India rama district hrang hrang fai leh fai loh zir chianna chu tlangzarh a ni a, Mandi District, Himachal Pradesh leh Sindhudurg District, Maharashtra te chu district fai berah thlan an ni. Mizoram-ah chuan Champhai District hi Hills Area-ah district fai ber 9-na a ni bawk.
District fai thlanna hi thuang hniha then a ni a, phaizawl (plain area) leh tlangram (hills area) a hrana thlanna neih ve ve a ni. He zir chianna ‘Gramin Swachh Survekshan’ hi Union Minister Narendra Singh Tomar chuan a tlangzarh.
Gramin Swachh Survekshan hnuaiah hian Quality Council of India (QCI)-in zirchian hna a thawk a; tlangram district 22 leh phai district 53-ah te kumin May thla atangin zirchianna neih tan a ni.
Hills area district fai top 10-ah hian Himachal Pradesh state atangin district 5 a lang a; pakhatna Mandi bakah 3-na Shimla te, 5-na Hamirpur te, 7-na Kullu leh 10-na Chamba te a lang a ni. Hei bakah hian hmarchhak State Sikkim district 4 a lang a; pahnihna West Sikkim bakah hian, 4-na East Sikkim te, 6-na South Sikkim leh 8-na North Sikkim te a lang bawk.