AADHAAR TEL LOVIN SCHOLARSHIP

MSU THUCHHUAH

AADHAAR CARD TEL LOVIN SCHOLARSHIP DIL THEIH DAWN

12.8.2016: Vawiin New Delhi-a Ministry of Minority meeting-ah, Mizoram tan scholarship dilnaa aadhaar card mandatory chu hriatthiamna (exemption) neih tura thu tihtluk a ni. Vawiin meeting-ah hian Mizoram Scholarship Board hotute an tel nghe nghe.

MSU-in nimin lama Higher & Technical Education Minister Pu R. Romawia a ngenna angin, minister hian scholarship-a aadhaar card mandatory chu Mizoram tana exemption pe turin lehkha a thawn nghal a. Hei mai ni lovin, vawiin meeting-ah Mizoram Scholarship Board hotute chuan Pu J.H. Zoremthanga hovin nasa takin an nawr bawk a, a hlawhtlinna kan hmu ta a. Vawiin tlai khan Minister hnen ațangin MSU chuan thu lawmawm kan dawng ta a ni.

Hemi chungchangah hian MSU chuan Higher & Technical Education Minister Pu R. Romawia chungah leh, Mizoram sawrkar chungah lawmthu a sawi a; nasa taka hma latu Mizoram Scholarship Board Chairman Pu J.H. Zoremthanga leh a thawhpuite chungah lawmthu a sawi bawk.