Swachh Paryatan mobile app siam

ZORAM TODAY | March 1-14, 2016

Sawrkar laipui chuan, khualzinmite tamna hmun a lo thianghlim zawk theih nan mobile application ‘Swachh Parayatan’ a tlangzarh. Union Minister of State (MoS) for Tourism, Culture and Civil Aviation Mahesh Sharma chuan February ni 23 khan New Delhi-ah he mobile application hi a tlangzarh a ni.
 
He project hi Union Ministry of Tourism chuan Delhi eGovernance Society (DeGS) leh National Informatics Centre (NIC) kaltlanga a kalpui a ni a, he application hian Archaeological Survey of India (ASI)-in Adarsh Smarak Monument 25 a humhalhte a huam ang.
 
He mobile application hi Union Ministry of Tourism-a Swachh Bharat Mission project monitoring unit chuan a vil zui dawn a ni. He application hmang hian mi tu pawhin monument-a bawlhhlawh awm a hmuh chuan a thla lain, a comment-na nen a thawn nghal thei dawn a, hei hi an dawn veleh a concern ASI Nodal Officer hnenah SMS thawn nghal niin rang taka tihfai nghal a ni dawn a ni.
 
He mobile application hi Android Phone-ah chauh hman theih a ni dawn a, reilote hnuah Apple and Microsoft phone-ah te hman theiha siam thuai tum a ni bawk.