Sawrkar laipuiin Chabahar Port tihchangtlunna tur pawm

ZORAM TODAY | March 1-14, 2016
Sawrkar laipui chuan Iran rama Chabahar Port tihchangtlunna turin dollar maktaduai 150 a ruahman. Hei hi India leh Iran-in thawhhona an neih anga pawm a ni. Union Ministry of Shipping hian Chabahar Port tihchangtlun hna thawk turin company a lo din tawh nghe nghe.
Kum 2003 khan, Pakistan leh Iran inrina bul, Gulf of Oman-a Chabahar Port tihchangtlun tur thu hi India leh Tehran chuan a lo thlung tawh a; mahse, Iran atomic programme avangin he thawhhona hian hma a sawn vak lo. Mahse, nikum, 2015 May thla khan ram pahnihte hian Memorandum of Understanding (MoU) sign-in chak zawkin hma an la thei ta a ni.

Chabahar Port hian tuipui chunga India sumdawnna chu nasa takin a tanpui thei dawn a, Afghanistan mineral hausakna ringa India company sumdawngte tan Pakistan kaltlang lova inkalpawhna kawng a hawng dawn bawk.