Nizung chakna hmanga parliament chawmtu hmasa ber Pakistan

ZORAM TODAY | March 1-14, 2016

Pakistan khawpui Islamabad-a Pakistan Parliament building chu khawvela nizung chakna (solar power) hmanga parliament enkawl hmasak ber a ni. Nizung chakna hmanga parliament enkawl tanna tur hawnna programme tawite neih niin Prime Minister Nawaz Sharif chuan February ni 23, 2016 khan a hawng.

Nizung chakna hmanga Pakistan parliament chawm a nih theihna atan China-in a pui nasa hle a; China-in a puih tur thu hi kum 2015 khan Pakistan tlawha zin China President Xi Jinping chuan Parliament-ah a sawi a ni. He project hi hemi hma 2014 kum khan China sawrkar chuan a lo puang tawh a, dollar maktaduai 55 zetin a tanpui zui a ni.
 
Parliament solar panel hian megawatt 80 a pe chhuak thei a; chung zinga megawatt 62 chu parliament chawmna atan niin a bak megawatt 18 chu thil dangah hman tangkai tur a ni thung. Tunah hian Israel parliament Knesset chu nizung chakna hmanga enkawl theih tura hmalak mek a ni.