NHRC chairman hi Prime Minister Narendra Modi kaihruai high-powered committee-in an thlang. He committee-ah hian Lok Sabha Speaker Sumitra Mahajan, Union Home Minister Rajnath Singh, Deputy Chairman of Rajya Sabha P. J. Kurien leh Rajya Sabha-a Opposition leader Ghulam Nabi Azad te an tel. NHRC chairman thar atana ruat hi President Pranab Mukherjee-in a pawmpui a, charge a la tawh.
H. L. Dattu hi December ni 3, 1950-a Mysore state Chikmagalur-a piang a ni a, kum 1975 atangin a legal career hi intanin Bangalore-ah advocate a ni tan a, criminal, civil, tax leh constitutional cases a khawih thin. Kum 1983 atangin Karnataka High Court-ah hna pawimawh tak tak a chelh. IT department lamah te a thawk zui bawk. Kum 1995 khan Karnataka High Court-ah judge a ni. Kum 2007 khan Chhattisgarh High Court-ah Chief Justice niin he hna bawk hi Kerala High Court-ah a thawk zui. September ni 28, 2014 atanga December ni 2, 2015 chhung khan Chief Justice of India 42-na a ni ta a ni.