Indira Gandhi International Airport-in award lian pathum dawng

ZORAM TODAY | March 1-14, 2016

Delhi-a Indira Gandhi International Airport (IGIA) chuan Airports Council International (ACI)-in a pek khawvel pum huap award pathum a dawng. ACI-in Airport Service Quality (ASQ) survey a neihah IGAI hian tehna 1 to 5-ah 4.96 a hmu a, a hmu sang hle.

A lawmman dawnte hi, kum hnih chhung a zawna passenger maktaduai 25-40 nei thei zingah number one a ni. Hei hi category hran siamin Million Passengers Per Annum (MPPA) an ti.

Hei bakah hian size & region Asia Pacific (25-40 MPPA) category-ah airport tha ber atana thlan a ni a, Asia Pacific region bikah airport tha ber dawt a ni bawk. IGIA hi Delhi International Airport Limited (DIAL)-in a enkawl mek a ni.

ASQ hian airport-a passenger pun dan te, sumdawnna lama hma a sawn dan te  chu tehkhawng pawimawh takah a hmang. ACI hi kum 1991-a din niin airport him nan leh inkalpawhna tha leh mumal tak a awm theih nan te hma a la thin.