India nuclear submarine INS Arihant enchhin hlawhtling

ZORAM TODAY | March 1-14, 2016

India-in nuclear ralthuam keng tel tuihnuailawng a siam INS Arihant ralthuam kente chu a hmasa ber atan hlawhtling takin a enchhin. He enchhinna hi tuihnuailawng siamna Vishakhapatnam coast-ah neih a ni a, hlawhtling taka enchhin a nih tak avangin Naval Fleet-ah tangkai taka hman theih a ni dawn a ni.

INS Arihant hi Russian Akula-1 class submarine behchhana duan a ni a, ton 6,000 a rit, metre 112-a sei a ni. Russia tanpuinain tui chakna hmanga kawlphetha megawatt 83 siam chhuakin chu chuan lawng a châwm a ni. 

He lawng hian kilometre 700-a hla kap thei ballistic missile BO-5 (K 15) sawmpahnih leh kilometre 3,500 kap thleng thei K 4 ballistic missile pali a keng tel.

Tunah hian Indian Navy hian nuclear-pwer submarine tho, INS Chakra a enkawl mek a, hei hi kum 10 chhung atana kum 2012 atanga Russia ta a hawhsak a ni nghe nghe.