 |
| New Delhi boruak |
Boruak tha lo hîp luh avanga kum tina thi hi khawvel pumah mi maktaduai 5 vel an ni a, chung zingah chuan China leh India-a cheng an tam hle. “Boruak tha lo hi a danglam bikna pakhat chu, tuman an tlanbosan thei lo va, tumahin an biruksan thei hek lo,” tiin University of British Columbia professor Michael Brauer, hemi chungchang zirbingtu chuan a sawi a ni. Tunah hian kawlphetha sawngbawlna hmun, lirthei leh industry hmunpuite hian boruak a tihbawlhhlawh nasat tawh avangin mihring a suat nasa tawh hle.
China-ah chuan, lungalhthei sawngbawlna atanga boruak tha lo hi an buaipui ber a ni tawh a, kum 2013 khan he thil avanga thi hi mi 3,66,000 zet an tling niin Beijing khawpuia Tsinghua University-a School of Environment-a Ph.D zirlai Qiao Ma chuan a sawi. India rama chhungkaw harsa tak tak mi maktaduai têl teh meuh maite pawhin an khawsak relnaah boruak tha lo chu an siam chhuak nasa hle. Chutih laiin Indian Institute of Technology, Bombay-a chemical engineering professor Chandra Venkataraman chuan, India sawrkar thuneitute’n hemi chungchangah nasa taka hma an lak thu a sawi a ni.