Tualto hnamte inkhawmpui lian Shillong-ah

ZORAM TODAY | November 17-30, 2015

International Indigenous Terra Madre-2015 chu November ni 3, 2015 khan Shillong-ah neih tan a ni a, November ni 7 thleng a awh. He inkhawmpuia an thuken (theme) ‘The Future We Want: Indigenous Perspectives and Actions’ tih a ni. 

Ni nga awh he inkhawmpuiah hian khawvel ram hrang hrang 58 atangin hnam tenau zawk 100 chuang zet an tel  a, Asia atangin ram 17, Africa atangin 14, America khawmualpui atangin 12, Europe atangin 8 leh Oceanian countries 7-te an ni.

He hunah hian hnam hrang hrangte chuan an zai te, thawnthu hlui te, lam te, incheina leh an ei leh inte an entir a; a ni khatnaah NEHU campus-ah sawm bikte nen inkhawmpui hawnna hun neih a ni a; a ni hnihna leh ni thumnaah NEHU campus-ah tho inkhawmpui programme hman a ni a; a ni li-naah hmun pawimawh hrang hrang tlawhna hun atan hmangin a ni tawp berah Food Festival an hmang bawk.


11 thoughts on “Tualto hnamte inkhawmpui lian Shillong-ah”

Comments are closed.