Chief Justice thar tur T.S. Thakur

ZORAM TODAY | November 17-30, 2015

Justice T.S. Thakur (63) chu Chief Justice of India thar a ni dawn. Tuna CJI ni lai Justice Dattu hi December ni 2, 2015-ah a hun a tawp tawh dawn a, amah thlaktu turin T.S. Thakur hi a ruat a ni.

Thakur hi tuna Supreme Court judge zinga a senior berte zinga mi a ni tawh a, CJI 43-na tur a ni ang. Kum 1952-a piang, Thakur hi Karnataka High Court, Delhi High Court Punjab leh Haryana High Court-ah te a lo thawk tawh a; Delhi High Court, Punjab leh Haryana High Court-ah te Chief Justice a ni tawh a ni. November ni 17, 2009 khan Supreme Court judge-ah a kai sang a, January ni 4, 2017-ah a hun a tawp ang.