Hornbill Festival Rock Contest-ah Reverse Tragedy pakhatna an ni

Nagaland-a Hornbill Festival neih meka intihsiakna pakhat, Rock Contest-ah Mizoram ațanga band tel Reverse Tragedy chu pakhatna a ni a, an guitar perhtu Bishal Gurung chuan Best Guitarist lawmman a dawng bawk.

He rock contest-ah hian finalist band pakua an awm a, chungte chu — Crystal and the Witches (Sikkim), October (Delhi), Reverse Tragedy (Mizoram), Grey Shack (Chennai), Tune Up Channels (Nagaland), Run Pussy Run (Pune), Rune Legacy (Nagaland), Ron And Me (Kolkata) leh Avancer (Nagaland) te an ni a, Mizoram ațanga tel te hi an vannei ta a ni.

Reverse Tragedy hi December ni 15, 2012-a din a ni a, chutih laia guitarist chu Bishal niin keyboardist Bimal leh drummer Suraj bakah bass guitarist Lalrinfela leh vocalist David te an ni. David-a’n a chhuahsan hnu khan zaipu thar Zorema chu March 2013 khan a lut a. Hemi kumah vek David-a chuan a rawn zawm leh nghal thung.

Reverse Tragedy hian intihsiakna hrang hrangah lawmman an lo la tawh a; MZI North East Trade Expo Beat contest, 2013-ah pakhatna; NIT Silchar (Thundermarch) 2014-ah pakhatna bakah Best Keyboardist lawmman an dawng a; MZU Rock Fest 2014-ah pakhatna an nih bakah Guitarist and Best Drummer lawmman an hui bawk a; ROCK-O-PHONIX, ALCHERINGA IIT GUWAHATI 2015-ah pakhatna an ni a; AIMT SANSKRITI ROCK RULES 2015-ah pakhatna bakah Best Guitarist leh Best Drummer lawmman an hui bawk. Hei bakah hian intihsiakna țhahnem takah lawmman an dawng tawh a ni.

Hornbill Festival Rock Contest-a pakhatna lo ni tawh te:
2014 – Adams Apple (Darjeeling)
2013 – Underground Authority, (Kolkata )
2012 – Gingerfeet (Kolkata)
2011 – Indigo Children (New Delhi)
2010 – Slain (Bangalore)
2009 – OFF (Nagaland)
2008 – Verbs (Shillong)
2007 – Hobos (Kolkata)
2006 – Joint Family (Kolkata)

1 thought on “Hornbill Festival Rock Contest-ah Reverse Tragedy pakhatna an ni”

  1. I went to this place in first time with my husband on Tuesday night after work. The inside of this venue NYC was quit big and had enough seats to sit and nice bar area. We had a few things, along with drinks and it was all good!

Comments are closed.