Champhai in kângah mi 3 thi

30.11.2015: Nizan, zing lam dár 1 vel khan Champhai Vengthara Pu Thangdeihtunga (L) te in a kâng a, kângmei chhuakah hian mi pathum an thi.

Nunna chán pathumte zinga pitar hi Pu Thangdeihtunga nupui Haui nu Ngongaihluni, kum 65 mi niin, a fanu kum 3 mi Lalmuanzuali leh Haui unaupa fapa kum 5 mi Alex Ngozasuan te pawh chhan hman an ni ta lo a ni.

An in hi Assam Type a ni a, dar 1:26-ah kangțhelhtute hriattir an ni a, in hi a lo kan nasat tawh em avangin bungrua engmah chuh hman a ni lo. A kan chhan hi hriat chian a la ni lo va, hmu hmasatu an kawmchhakpa chuan in hi pawn lama kalh hnan ni awmin a sawi a; misual thiltih ni theia a lan avangin veng chhung VC-te’n FIR an thehlut nghal niin thu kan dawng.