PM-in AP-ah mobile siamna hmun tur lung phum

ZORAM TODAY | November 3-16, 2015
Prime Minister Narendra Modi chuan October ni 22, 2015 khan Tirupati, Andhra Pradesh-ah Shri Venkateswara Mobile and Electronics Manufacturing dinna tur lung a phum. Hei hi sawrkar laipui flagship ‘Make in India’ an kalpui hnua mobile siamna hmun tur lung phum hmasa ber a ni.

He hmunah hian khawvela electronics thil siam chhuaktu lian Foxconn chuan hna an thawk tan der tawh a, mobile brand Xiomi leh Gionee siam hna an thawk tan tawh a ni. Hei bakah hian Micromax, UTL (Karbonn) Celkon te pawh he hmun atanga siam chhuah a ni ang.

Mobile siamna hmunpui din a nih avang hian kum khat chhungin hna 10,000 a siam beisei a ni a; kum 2019 thlenga hna tar nuai 15 siam tumah 5% chu a thawh ve dawn a ni.

Mobile siamna hmun hi state sawrkarin a design leh sak hna zawng zawng a tum dawn a, acre 30 a awh ang.