State pali tan Green Indian Mission plan pawm

ZORAM TODAY | October 20-2 November, 2015
Union Environment Ministry chuan state pali tana National Mission for Green India (GIM) annual plan chu a pawm a, heng state pali zingah Mizoram pawh a tel a, Kerala, Manipur leh Jharkhand an tel bawk.

National Executive Council (NEC) chuan state palite’n Perspective Plans (PP) leh Annual Plan of Operations (APOs) an thehluh hi a pawm a ni.

He plan an pawm hmang hian energy devices hrang hrang – biogas, LPG, solar devices, biomass-based systems leh stoves lam tihhmasawn a ni ang. Hei hian ramngaw venhim kawngah state palite hi a pui hle tura ngaih a ni.

He plan hian financial year 2015-16 chhungin state pali-a in 27,032 a tuam hman dawn a; kum 5-10 chhung atan Perspective Plan atan cheng nuai 90,202.68 leh APOs atan cheng nuai 11,195.32 ruahman a ni.

National Mission for Green India (GIM) hi National Action Plan on Climate Change (NAPCC) hnuaia mission 8 awm zinga pawimawh tak a ni a, he mission hi climate inthlak zel tur ven nan te, ramngaw chereu zel ven nana hna thawktu a ni.