Mizo Idol James Lalruatsanga kan chân ta!

4.11.2015: Mizo Idol thar ber (2015) top 10 zinga mi James Lalruatsanga (22) s/o Upa Lalnienga, Mission Veng chu zanin dar 9 vel khan Zarkawt Lalbuaia Shopping Complex inchung ațangin a tla thla a, New Life Hospital-ah kalpui nghal niin a dinhmun a țha lo hle a; ICU-ah ventilator hmanga thawktir zet a nih hnuah, a pumah thi a tlin nasat avangin zai nghal a ni.

A nunna chhan tumin doctor-te’n theihtawp chhuah mah se, a thin laktlak a awm tawh lo va, thisen pawh unit 13 zet pek hman a ni. Chuti chung chuan zanin dar 11:30 khan kan chân ta a ni. James-a hi mi fel tak a ni a, an venga a awmna kohhran, UPC (Mizoram)-ah pawh Senior Department zirtirtu a ni nghe nghe. Naktuk chawhnu dar 1-ah Mission Veng thlanmualah vui a ni ang.

1 thought on “Mizo Idol James Lalruatsanga kan chân ta!”

Comments are closed.