India railway station 400-ah google-in wifi hotspot bun dawn

ZORAM TODAY | October 6-19 October, 2015
Internet khawvela search engine lar ber, Google chuan India rama railway station 400-ah a duh apiang hman theih turin wifi chak tak hman theiha dah tum a nih thu a puang. Wifi hotspots bun hnaah hian Google chuan Indian Railways leh RailTel a thawhpui dawn a ni; RailTail chu railway tana inbiakpawhna lampang buaipuitu niin sawrkar hnuaia awm a ni.

Phase hmasa ber chu India rama rail station lun zual 100-ah bun hmasak tum niin kum 2016 zawh hmaa zawh hman tum a ni a, wifi hotspot bunna rail station hmasa berah erawh chuan kumin October thla tawpah online hman beisei a ni bawk.

India ramah hian internet khawih thin hi mi maktaduai 300 an awm a, chung zinga mi maktaduai 21 vel chu rail passenger an nih avangin, a hmang tangkaitu tur hi an tam hle dawn a ni.